Katterik (Zwakke schaekels)

origineel: Let it Be – the Beatles, tekst: Wibo Lievense

 

toen a ‘k êêl klein en joenk was, speelde ‘k bie d’n diek
‘k was ‘r êêle daehen, bie d’n diek
me groef er lange hutten, soms wè viere teheliek
me waere ‘r mee z’n oalen, bie d’n diek
  bie d’n diek, bie d’n diek, bie d’n diek, bie d’n diek
  me waere ‘r mee z’n oalen, bie d’n diek
me pikte tuus soms zwammen, en stoenke toet op ’t bot
je kon ’r lekker bluddere, bie d’n diek
me trokte mossels van een ôôd, en kookte z’in een pot
wat kon je lekker spele, bie d’n diek
bie d’n diek, bie d’n diek, bie d’n diek, bie d’n diek
  wat kon je lekker spele, bie d’n diek
toen a ’k oak intresse in joengers kreeg, gieng ‘k ni d’n diek
wan je kon ’t lekkertst vrieë, op d’n diek
ik oa een berreg joengers, soms wè viere teheliek
de hosjes op m’n billen, van d’n diek
  van d’n diek, van d’n diek, van d’n diek, van d’n diek
  de hosjes op m’n billen, van d’n diek
di waere êêl vee plekken, di a je kon lihhe op je rik
wat lag je di toch lekker, op d’n diek
alleene, ik bin toen moete trouwe, deur die stomme Katterik
‘k oa beter moete wete, op d’n diek
op d’n diek, op d’n diek, op d’n diek, op d’n diek
  ‘k oa beter moete wete, op d’n diek
de Katterik verdween mee ’t veroahen van d’n diek
dat is dan toch wi jammer, van d’n diek
a’k die zwarte vlakte zie, voel ik me soms wè ziek
’t was vroeher toch vee mooier, op d’n diek
op d’n diek, op d’n diek, op d’n diek, op d’n diek
  ’t was vroeher toch vee mooier, op d’n diek