Guus (Dit is mien durp)

(origineel: And it stoned me – Van Morrison, Wasschappelse tekst: Wibo Lievense)

 

Guus wille oaltied spele

Oak a bin ze êêl erg aerm

Meziek dat kun ze maeke

Mee toeters uut een baerm

Roakers uut een dulve

Oak a smaeke ze toch wè gek

Een piele-booge maeke

Ze schiete mossen van ‘t dek

 

Eêl veé spele

Eêl veé spele

Eêl veé spele

Eêl veé spele

Opeluk gaet dat oaltied deur

 

En zô spele oale guus

Da doe ze êlken dag

lekker spele

En zô spele oale guus

Da doe ze êlken dag

lekker spele

 

Een naeme in een klompe

mee een stik glas inebrand

Landpikkertje kun ze spelen

Mee een puntmes op d’n and

D’n ikkeldans op klompen

Wat bin die plovvuuzen glad

Onder de keuzen kieke

Bie touwspringen kè je dat

 

Lekker spele

Lekker spele

Lekker spele

Lekker spele

Ze geniete ’r eêl veé van

 

En zô spele oale guus

Da doe ze êlken dag

lekker spele

En zô spele oale guus

Da doe ze êlken dag

lekker spele

 

Vô een eêle reêste renne

zo da de schaere je nie raekt

Toppere mee een zwiepje

van een nasselienge emaekt

Kleppere dat is prachtig

sommigste kunne dat eêl mooi

Deur ‘t stangfeinster in de schure

Sprienge ze in ’t losse ooi

 

Eêl lank spele

Eêl lank spele

Eêl lank spele

Eêl lank spele

Dat bin ze nie zômè beu

 

En zô spele oale guus

Da doe ze êlken dag

lekker spele

En zô spele oale guus

Da doe ze êlken dag

lekker spele